أنت غير مسجل في :: منتديات الشاعر الحسيني رياض الرسل :: . للتسجيل الرجاء إضغط هنـا
آخر 5 مشاركات بكاء النبي(صلى الله عليه وآله) عند ولادته(عليه السلام) ( آخر مشاركة : - )       هكذا تحدثت الروايات الشريفة عن ابي الفضل العباس(ع) ( آخر مشاركة : - )       وليد الثالث من شعبان...و حكايته مع الملائكة ( آخر مشاركة : - )       في ذكرى مواليد أقمار شهر شعبان... ( آخر مشاركة : - )       ما هي الأسئلة التي لن يجيبني عنها ملحد؟ ( آخر مشاركة : - )      
العودة   :: منتديات الشاعر الحسيني رياض الرسل :: > روضة الاشعار الحسينية لاهل البيت عليهم السلام > روضة الشاعر الحسيني ابوعلي السعيدي
المنتديات موضوع جديد التعليمات قائمة الأعضاء التقويم البحث مشاركات اليوم اجعل كافة الأقسام مقروءة



إنشاء موضوع جديد  إضافة رد
 
أدوات الموضوع انواع عرض الموضوع
قديم 01-28-2020, 09:42 PM   #1


الصورة الرمزية ابو علي السعيدي
ابو علي السعيدي غير متواجد حالياً

بيانات اضافيه [ + ]
 رقم العضوية : 753
 تاريخ التسجيل :  Aug 2012
 أخر زيارة : 01-28-2020 (09:48 PM)
 المشاركات : 2,041 [ + ]
 التقييم :  17
 اوسمتي
وسام المشاركه الشاعر المميز الحضور المميز 
لوني المفضل : Cadetblue
Iq (33) قصائد للوطن الجريح اقول؟؟2020



ليش من دون البشر.. دمنه وبكل الصور
عدنه صارت كربلاء
&&&
افتح التاريخ واقره سيرة الانطه ولاء
عليه لازم هوه يحمل اشكثر هم وبلاء
يضحي بروحه وحياته وهاي جزء من الوفاء
يقدم الغالي اليملكه ويصبغه بلون الدماء
يريد حسن الخاتمه.. وينه حامي الحمه
عدنه صارت كربلاء
&&&
الحدث جاري ونشوفه نفس طفج كربله
تروح من عدنه ضحايا وتجي نفس القافله
عقول بالغي وحقدها عقول كلها جاهله
حرنه مولاي باامرهم كلي منهو نسئله
الوطن اصبح جريح.. بصوت كلنه من نصيح
عدنه صارت كربلاء
&&&
خلهم يكتلون بينه احنه لازم هم نموت
ابد مانرضه نهادن ونرفض الذله وسكوت
نحترم كلمن يحبنه وعل الظالم جبروت
أن اوهن البنيان عدنه ربي كال العنكبوت
حكمه من رب الجليل.. الوطن اصبح عليل
عدنه صارت كربلاء
&&&
اشكثر راحت شباب والصور عبر القمر
نفس جيش ايزيد بينه حرمله وابنه عمر
احنه عاهدنه الولايه والعهد خطه القدر
شوف انواع المصايب بينه وانواع الصور
صور شبان البلاد.. حزن عدنه والحداد
عدنه صارت كربلاء
&&&
ياحسين الثوره كربت واحنه ماعدنه ثياب
تنكتل كلها ربعنه صرنه يوميه بمصاب
ننتهج احنه بنهجكم وهذا مضمون الخطاب
نسمع العالم حجينه ومنهم انريد الجواب
صوتنه هز الضمير..والوطن اصبح اسير
عدنه صارت كربلاء
&&&
خادم اهل البيت
الحاج ابو علي السعيدي






مـــو عجـيـبـه اتـشــوف يـنــداس الضـمـيـر
ومـو عجيبـه اتشـوف دينـك والوطـن نفـس المصيـر
ومو عجيبه البلبل محوط بقفصـه وبالسمـه غـراب اليطيـر
ومـو عجيبـه يبيعـك اللـي ماتبيعـه سمـل دلال وزغيـر
ومـو عجيبـه تشـوف ظالـم وسـط واقعـنـه المـريـر
ومو عجيبه مـن نـرد للجاهليـه وننسـه فضلـك يابشيـر
ومـو عجيبـه ياوطـن عـد ظالـمـك تصـبـح اسـيـر
ومـو عجيبـه اتظـل وحيـد بهالوكـت مـالـك نصـيـر
مو عجيبه يعرفك اللـي ماتعرفـه ويكصـي ويـاك الحقيـر
ومو عجيبه تشوف ناس بلايه دين ولا عهـد عـده وتجيـر
ومـو عجيبـه اكصـار وكتـك طـالـت وانــت كصـيـر
ومو عجيبـه نكـرو السيـد البينـه وسمـو الخايـن اميـر
ومـو عجيبـه العالـي وطـى والشهيـق اصبـح زفـيـر
ومو عجيبه الطينه البخـده مسحـه وينسـى ايـام السعيـر
ومـو عجيبـه الصاحـي اعمـى والدليـل النـه ضـريـر
وموعجيبه الضاك زادك ينكر النعمه الاكلها ويحفر بأبره البير
ومو عجيبه الواوي يشرب ماي دهله والاسد شربـه الغديـر
هــاي دنـيـه اشـكـال بيـهـه دوم غــداره وتـديـر
صـيـح يامـلـة محـمـد ضيـعـوا سـنــة الـنـذيـر
صيـح ياملـة محـمـد يــا عـلـي ويـامـن نصـيـر
&&&
خادم اهل البيت
الحاج ابو علي السعيدي



تحت المظله اتخدروا واحنه الاهل تحت الشمس عافونه
حتى الشهاده ابمشتره او واحدنه راحت عالكتاب اعيونه
وتدري الفقير بهالوكت محد يكله اشلونه
ومحد يدك بابه ويجي جي لن فرغ ما عونه
وتلكه الغني واكف نصب وجفوف اديه مدهونه
وشوف القميص من الشمس والله رايح لونه
وتشوف حاله من التعب محنيه دوم امتونه
او ولد الزناكين اللبس عالموده ويبدلونه
ولو راد يوليهم وكت بفلوسهم يولونه
والفقره تكظيهه ابعسر كل شي صعب يلكونه
والهم يغطيهم غطه وثوب الهم ايفصلونه
والليل لوجاهم مثل اوراق ويكلبونه
كل ساعه بحساب وشكل وارواحهم وسط الحيا مدفونه
ليش الفقير بهل الزمن هالناس ميرحمونه
والدنيه صفت والوكت يدمونه ويعادونه
والتعب باين بالوجه والتعب هد اجفونه
كل همه يشبع هالبطن بالجاي والصمونه
وبيه يحس هوبشر والناس اله يحسونه
ياخذ وينطي بكلمته ولارايه ايجهلونه
الدنيه بيه المعجزه والدار مامسكونه
حكم الاله بقدرته لوشاء اله ينطونه
العالي ينزل للتحت ويصعد المهيونه
تجربه خذه واتعض لاتغرك المزيونه
دنياك جم واحد تذل وتنطي اللي حد اسنونه
الماعرف فد يوم الطمع ولاخاف ال يزلونه
بايع وحاله على الفقر وثبت المبدا عونه
اياك واتحذر بعد دنياك اهي مجنونه
اتبيع الفقير بسعر الذي همه اله يسومونه
من علي خذه حكمتك وانت تعرف مظمونه
&&&
خادم اهل البيت
الحاج ابو علي السعيدي



جم محنه المرت ببلادي..حتى الطفل اليرضع شـاب
كل موجه اللي تلطم بينه..تندار وي الريـح الهـاب
مانعرف ياهـو الويانه...ومانعـرف ياهـو الطـلاب
واللي يدافع النه السانه..نص حجيه وعمرك جـذاب
يتبع قانون اللي سنه..مو حكـم الله شـرع الغـاب
ميهمه الماتـو باطفالي..ولايمـه الطايـح وانصـاب
حتى النسوان الماسلمت..من عدهـم ذولـه الاجنـاب
ويــادم السـبـح اطفالي..حنتـهـم دم الاركــاب
ياقانـون اليحكـم بينه..ليـش يسيرونـه الارهـاب
ليش تموت أبيده ابنتي..وبته التلعـب عـده اصحـاب
وهو اللي ياكل من خيري..وانه الاكل بـس اتـراب
خافن احجي كالو هذا..من صفحت ذولـه الانسـاب
اسكـت والسكتـه تاذني..تفرنـي فـرات الـدولاب
والشكـوى لله نعلنه..وشكوانـه البيـه الاسـبـاب
ليش تمرد جـاري عليه..وبوجهـي يسـد الابـواب
وليش النعرفهم عافونه..لا غـزر دهـل وخنيـاب
عافو صحبتنه وخوته..موياما ويامـا جنـه احبـاب
دارت دنيانه الغداره..وصلت النه اهـواي اسـراب
من طير الشوم وصحبانه..وبوم وياهم جـم اغـراب
تنعق ببلادي وخيراته..والجـرح البعـده الماطـاب
نتحزم لازم فد همه..وننخـه ويانـه داحـي البـاب
يزيل المحنـه وشدتنه..واليسعـى وياهـم ماخـاب
مـولاي الظالـم دمرني..وهـدم بيتـي والمحـراب
اصفن متحير على الصاير..وانظر بيه جم صـواب
ياارضي الصارت مسرحهم..وعم البينه بس اخراب
حسرات المرت يوميه..بضلوعـي صـارن نشـاب
وارد العن كلمن طب داري..وصدك بيه مـو سبـاب
خلاني الارهاب اتكلم..وخلاني احجي على النصاب
مطول الحيته وريحـه النتنه..يفجربيتـي والاكبـاب
شرايد مني هذا الظالم..ببـلاده اهـواي الاغـراب
يروح ويطردهم احسله..واحنه وياهم النـه احسـاب
يحرر بلده اول مره..من اسنيـن وصـارو البـاب
كبل اسنين اتغنـه الصافي ..وردد كـرره السيـاب
بالعلم وعرفانه النهضه..ولا بشـوده وذاك شجـاب
النوب وارجع وانه اسالكم..اهلي وناسي شيب وشاب
ارد انشد كل هذا العالم..ياهو العنده بكدنـه احـزاب
&&&

خادم اهل البيت
الحاج ابو علي السعيدي





بلد وجالبـــــــت الاف كلمن ينهش بصفحـــــــــــه
وايد امتدت ليد خير بأفعــــال شكثر وكحـــــــــه
شفت ميت تخافه الناس هذا المعـــــنى انطرحــــــــه
يريد ايهدم الاوتــــــاد يفجر كبته وصرحـــــــــــه
جواب وتستدل اعليــــــه هين مو صعب شرحــــــــه
روح اتلكه هالــــــزوار ممشه من يصل فرحـــــــــــه
تهون اجروحـــــه والالام من يسمع هله ومرحــــــــه
لكل زاير يزور احســـــين ممشه الليل وي صبحـــــــه
الحسين بكل زمن ويــــاك يشع انواره الوضحـــــــــه
وطنه وليش بفراشـــــه عليل وبيدنه انطرحـــــــــه
شوكت ياناس يتعافــــه اومن صوابه خل يصحـــــــه
شوكت عنه الغبار ايروح وانشـــم ريحته ونفحــــــــه
شوكت عنه الرتول اتشيل ولا امريكــي انلمحـــــــه
منريد الوجـــوه البيض نريد اوجوهنه الملحـــــــه
ومنريد اغذيـــة تعليب نريد اترابنه أو ملحـــــــه
ونريد النخل شامخ دوم وعالعشار شعره ايحله ويسرحه
وجزعنه من الحزن والاه وشك الثوب والصيحـــــــــــه
اريد اسأل ويادستـــور يمزق الوطن ويشرحـــــــه
وحزام الناسف وعبــواة بالدم ترسم اللوحـــــــــــه
واحدنه حليم او لــــــو غضب منهو اللذي يكبحـــــه
مايبخل لون تنخــاه يضمد الجرح من جرحه
&&&

خادم اهل البيت
الحاج ابو علي السعيدي


للارض والعرض والدين
بعد منكول هذا افلان زين ويستحق مدحه
لاان كلهه عصابه تبوك وخطيه الوادم مسنحه
قدر عالشيعي صار الموت ليش الخارجي يذبحه
تعبنه وفاض بينه الكيل والكيل شكبر طفحه
نريد العيد دوم ايصير موبس فطر لو اضحى
وطنه الغالي ياهالناس للكل صدره مفتحه
تعالو وشوفو هلايتام دمعهه محد يمسحه
وتعالو وشوفو الحديثات نظرهه خايفه اتشبحه
منريد الانترنيت نتونس على السبحه
وعلى الدله سهرنه يطول ودك هاون ورحه
بيهن كل عليل ايطيب وبيهن عافيه وصحه
جزعنه من الشعر والكول والهوسات والردحه
وخلي الطابك مغطه لا لتبوح وتفضحه
تدري انصابت الاخلاق وسوك الطيب بيه شحه
وتدري بدنيتك مكلوب دوم المايل اترجحه
جاوين النفط منهوب ليش انتاني المنحه
والعالم يشوف الوان صور اجرام متوضحه
كل ساعه فضائيه تبث الخبر وتصرحه
ولو راد الوطن ينهض يجي الارهاب ويطيحه
العراق ترابه صاير دم والحكام متنيحه
ومن امه الولد يطلع يرجع دمه مسبحه
ياذنب الجناه ياصوج بلكي تكلي وتوضحه
كل شي بهالبلد ممرود والطير انكسر جنحه
نشوف اوجوه موش اوجوه اهلنه البتعب سمحه
نشوف اغراب مدفوعين لخراب الوطن مو صلحه
من يعوض الصار اسنين وجهاد الوالد وكدحه
كظت اعمارنا بالظيم كلهه مصيحه ومنيحه
نفك باب السعاده انريد مشتاكين للفرحه
&&&
خادم اهل البيت
الحاج ابو علي السعيدي

الوطن مو سلعــة رخيصة وبالدكاكين
الوطن روحي و مهجتي و ساكن العين
الوطن امـــــي و ابوي و جاري الزين
الوطن ديني و صلاتي و خوتي الاثنين
الوطن غالي غلاتة المــــاي و الطين
الوطن لـــو طاح تذبحني السچاچين
الوطن هذا العـــــــراق البيه نهرين
طبع دجلة و فرات التـــــجري للحين
الوطن ريتي و هويتــــي وهوة المعين
الوطن حلـــــم الطفولة و مهد السنين ..












انه بجيش الرساله وعمري سنتين..وجنت ازغر مقاتل ذاع صيتي
حبيت الوطن من اول اصباي..وزرعت ابحبه عنواني وهويتي
شلت جرح الوطن ابصدري اوسام..وبحب الوطن صارت تحيتي
بعت بيتي الاسكنه صارلي اسنين..وشريت اتراب كاعه وصار ديتي
انقفل باب السجن وبتهمت الغير.. وتعلمت الوفه درسي أعربيتي
وصل حد العظم واعدام للروح.. هجم بيتج يروحي وما حجيتي
انترس راسي جوايه وبيه طكات..وكل جسمي اندمل طك وجويتي
هويت الموت سكته وتعرف الناس..وحملت الموت حلم وبيه منيتي
ثلاث اسنين ليل نعده ونهار..بسجن مظلم وظالم حبس ريتي
مع كل الالم والنوح والعوز..خذت من حيدره انه سجيتي
علمني الصبر والوفه والاخلاص..وعلمني دروس بكل قضيتي
اصون الجار واخدم كون بالناس..تصير الخدمه رفعه يذيع صيتي
وتعلمت الدرس من البطل عباس.. ومن جوده اريدن كل حميتي
ومن سبط النبي اتعلم احكام.. وبكل زود وفخر هذي هديتي

&&&&

خادم اهل البيت
الحاج ابو علي السعيدي

مبيوع هذا الوطن...واليشـــتري معروف
شنهي ويفيد الحزن... ونطلك احنـه الخوف
نسكت وليــا؟مته... والســـكته تاذينه
خســـران هذا البلد... والواســته عينه
تبجي وتهل الدمع... جيفن وطـــنه انباك
معصوب عين اصبحت... واثنين اديه اشباك
يلتفت ياهــو الاله...ولا واحـــد العانه
بس دمعه حدر الجفن... والسـاعده السانه
يصيح اهل الرحـــم... والاجو يحمــونه
خشم انسحك بالجـدم... وانكـسرت اسنونه
جفنه صوته علـه... خل ينضـرب بيه مثل
ميهمه من انـجرح... والثاني يمــه انكتل
المهم هو الحكـم... ويجمـــــع امواله
بالشعب ماله غرض... المهــــم اطفاله
واطفالي مثل الـبلد...يضــــمد اجراحه
وجه الغريب انعرف...اتشــوفه بالساحه
يكسب ود الغرب... وشحـجه مجلــسهم
ابريمر اللي فته...اوالغرب قائــــدهم
خطه البلد ينهب... وتروح نفطــــاته
ويبقى هذا الشعب... اتزيد حــسراته
لاشاكي لامشتكي... شكوانه لهل البيت
رديت يامسعده ...خايب جــدم رديت
لاحافظة على البقه... ولازادت امـوالي
بالعكس فر الوكت... شودولب احـوالي
مدري الوم الزمن... مدري الذنب بالناس
صارت ارضنه وقف... للاجو من تكساس
هذا اليبيع برخص...وذاك النفش ريشه
والناس من تشتكي... ياذلة العــيشه
وينك ياغايب وصل... سيل الزبى للراس
وانحشم احنه بعلي... واحسين والعباس
اظهر للمعتدي... وخاين وطنه الــباع
من ارضي خل ينجلي...والصاع نعيد بصاع
تحذير رسمي انعلن... للاجو شـــرايه
كاع الوطن مشكله...وتشور الثــايه
&&&
خادم اهل البيت
االحاج ابو علي السعيدي

سيف الغدر بركبتــــي.....يسنه
ومن عنده المحت نظره....يسنه
اريد اسأل عن الشيعه.....يسنه
واناشد كل عراقي البيه حميه
اناشد كل عراقي وبيه.......شاره
نريد العدو بس كفيان......شاره
اخوك ولا تكول احاه......شاره
ومن عنده استدل ضد البليه
ومن عنده استدل شورك.....ورشده
عينه ايرجع افكــــــاره......ورشده
بعزم الله تخلص شـده......ورشده
تزيل اهموم من هم العليه
تزيح اهموم من همك.......وهمهم
اذا راد العدو ينـــولك.....وهمهم
اخوتك للدرب دلهـــم.....وهمهم
اغرزه بعين كل حاقد اليه
اغرزه بعين كل حاقد......وغادر
سيفك بالحرب صندل.....وغادر
اليه اعتاب عل السافر....وغادر
وصيتي اخواني الكلهم سويه
تركت اوصيتي البـــلد......بيهم
كلبي امفارك ومحزون..... بيهم
هام الكلب طول العمر .....بيهم
ابو الحسنين واولاد الزجيه
ابو الحسنين هام الكلب.....والروح
وحبهم فرض ليه الوسن.....والروح
شلنه بالاجو هل اليــوم......والروح
المهم حب الولي واله ونبيه
المهم حب الولي ونهجه....ودينه
والهم لازم انـــأدي........ودينه
نعرف حيدر بحكـــمه....ودينه
ونشرح للملئ فضل الزجيه
واشرح للبشر علمك ...ولينه
السماحه اتكون وبجاهك....ولينه
ندري شما يطول عمري.....ولينه
بس خير العمل باقي اليه
بس خير العمل باقــــي......لجلنه
العرف مقدار للشيعه.....لجلنه
الخمسه اهل الكسه العتره....لجلنه
وجدهم ربك لهادي البريه
&&&
خادم اهل البيت
الحاج ابو علي السعيدي


ياعباد الله وين المحسنين *** فجرو حتى النخل ببــلادي
فجرو صرحك امام المتقين *** فجرو كبة ضريح الهـــادي
شاهد فلسطين من سابق سنين *** ويبقى حزب الله علم والحادي
يبقى ذكر الله على لسان الامين *** تبقى شعية علي بيه اتنادي
نقاتل بلبنان كل الحاقــدين *** في سهول والجبل والوادي
بكل زمان انردد احنه ياحسين *** ثورتك احلى نغم وانشادي
نردع الباغي احنه وطامعين *** وكل عميل وحاقد وكل بادي
للظلم لابد نمحي ويستكـين *** بغزه وبيروت وبغـــدادي
حلم هذا وهو راية ثائريــن *** نهج ابو الحسنـين هو السادي
هي كلمه انكالت وانه جنين *** طالبــو بيه قبل اجدادي
لا لذله لا نبيايع خائنيــــن *** كلمه كالها السبط لااولادي
عادت الثورات تنهض بالبنين *** وعيني تبجي من كثر سهادي
الا من ناصر الكم من معــين *** هذي بيروت شكثر وتنادي
وين حماي الحمه والمنصفين *** وين داحي الباب؟ يرد العادي
هي محنه وتختبر للناجحين *** واليفوز وي الفحل ميعــادي
&&&
خادم اهل البيت
الحاج ابو علي السعيدي





الى من باع الوطن

سنصحو من الغفله ...... بفنجان من الدله
سنصحو رغم انفسنا..... لكي لانقبل الذله
وان تمشي بنادينا..... فهي لنا محتله
الفرات العذب تنجسه ...... يد الارجاس مبتله
لقد ضقنا الهوان ....... واسفي على القله
جيوش الغدر قابعتا ..... بكم رابي وكم تله
لقد حان الاوان لها .... يااهل ذي قار والحله
نهبوا البلاد وخيرها ..... ترابا ونفطها كله
ومن دعاة الدين ...... احذرهم هفوة الزله
لقد استبيحت حلائلنا .... سباتا نحن في العزله
بدل الاحسان كرها .... وانبرى خلف المسله
وتوارى اللاهفون ..... طمعا خلفه نخله
خلف جدران الحديد ...... الف وجها والف عمله
والف لاء والحسين ... .. والف كلمة وكلمه
طبعت في القلب ..... وفي الوجنتين قبله
&&&
خادم اهل البيت
الحاج ابو علي السعيدي


أمبارك ياعراق الخير...... عيدك والشعب مذبوح
اتحنت بالدم العرســــان.....وام الولد ثكله اتنــــــوح
جرحك ياوطن ابدا فلا شـلوه.... وصعبه لو طحت مجــــروح
عكب ماجنت تزهي بطيـــب.....بس الدم البيك ايفـــــوح
جم شمر الطبر عبــــاس..... وجم زينب سبيه اتـــروح
وجم ثكله هظمه ايزيــــد.....ماتكدر بسره اتبــــــوح
اصبرياوطن لاتغفه مو باعوك.....مو لجلك فدينه الـــروح
شموخك من من شموخ احسين....ترضى لليهود انــــروح؟
وترضى الزاد ماصــخ دوم...وابد زادك فلا مملـــــوح
عالي ياوطن براية الـــكرار....جبل وتطل عليه اسفــوح
كوم وروف اجروح البـــيك.....وابني من الجروح اصروح
اطرد كل لئيم وافتح الابــواب....خل بابك يظل مفــــتوح
الدخلنه عل الطمع خل يعوف البيت....بعزم الله ينكشف مفضوح
ليش النـــــــزل باع البيـــت...... ايبدج يهدم النه اسطـــــــوح
جم ناطور باكك الظهر عل الشوف...بعد اليوم مامسمـــــوح
نريد العيد بيه افــــراح.....ودولاب الهوىايفر حمام الدوح
&&&


خادم اهل البيت
الحاج ابو علي السعيدي


لبلدي الجريح اكتب؟؟؟؟؟؟؟؟؟؟؟؟؟؟؟؟

رادوني ابيع الوطن......واهلي وابيع الدين
وانسه الولايه لعلي......واترك ازور احسين
وتأمر اعل الــــبلد........وي الاجوهل الحين
والبس جلد مو الي.....وتزين بجلـــــــدين
وانكر ولاية علي......وانتسب للطاغـــــــــين
هيهات لاوالنـــبي......لو تعمه عندي العين
همه ولاة العـــرش........ذخري الجنيته اسنين
المايحب حــــيدره.....ريته يطكه البــــــين
ولاشاف طعم الهنه.....ولايسعد بكل حــــين
الشين معروف الي.....والزين حب الزيــــن
حب الولي وعترته......وي روحي مطبوعين
يوم انكتبلي عمر.......وانزلت بيهه اجنين
كلمن عرض تسميه.....والتسميه باسمين
كالت امــــي علي.......لو اسم بالسبطين
واختارو التسميه ......واكبرت صرت معين
سميت ابني علي.....نذر وعلــــــــيه دين
وارجع بعد للحجو.....فرقو بين اثـــــنين
واحد سكن بالجبل.....والثاني بيته الطين
كل احنه ضكنه الاسى....وجعنه متغربين
يجمعنه حب الوطن.....وبهمه مهـــــمومين
ندعي العقليه اله.....يسلم الــــــباقــــين
وتزول كل محنته....ونجتمع متـــــخاوين
لاسنه لاشيــــــعتي.....احنه العراقيـــــن
محروس هذا الـــبلد....من كل لئيم وشــين
محروس براية علي....يحمل لواها الزيــن
المادنكت هامـــته.....وضحه بالجفـــــين
محروس بحيدر علي....والزهره ام حسين
&&&
خادم اهل البيت
الحاج ابو علي السعيدي

ا

دنيانه صارت خربطه ***** ماينعرف اولهه من تاليهـا
ضاع الصدگ والحگ غرگ***** خابط صفه جاريهــــــــــا
حتى الوفه ضاع الوفــــه ***** والچذبه بس نطريهـــــــا
والخوه راحت للاســـــــف***** عدمن بعد نلگيهــــــــا
حتى الاصول اتغـــــــيرت ***** والعدله ما نحچيهــــــــا
وحتى العقول اتدمـــــرت***** وكل فكره لا ما بيهـــــــــا
ابعصر التطور بس جهـــــل ***** من راسهه لرجليهــــــا
ليش احنه من دون الامم ***** فوضى وخراب اعليهـــــا
طبعا لان كلمن بـــــــده ***** باطل عذر ينهيهــــــــــا
وين الحصانه ياامــــــــم***** حريه زيف وشعوذه بانيها
شيعتنا كله اتدمــــــرت ***** ماكو شهم يهديهـــــــــا
راحت السله والعنــــــــب ***** امريكي يلعب بيهــــــــا
خلتنا نتقاتل بعــــــــض***** دولار من تنطيهــــــــــا
بايع ضمير وللاســــــــف ***** بير الوطن يرميهـــــــــا
ميهمه من مات الطفــــل ***** غداره شتحاچيهــــــــــــا
وينك يبو اليمه انسبــــــت ***** نسوانه تدريهـــــــــــا
لااحد صوته نسمعــــــــه ***** امريكي غطه اعليهــــــــا
رايد ظهورك بالعجــل ***** انت الذي تصفّيهــــــــا
&&&
خادم اهل البيت
الحاج ابو علي السعيدي




الى من ساوم على تراب بلادي
الى( مازونه)؟؟؟اقول
شفت بدنيتنه المامونه.... واحد مره بــاع عيونه
كتله السبب اللي خلاك....لايفرغ جيــبه وماعونه
وتشوف اعيوني وتتالم.... وياذلة اعيونه المهيونه
لكن شبعان وماشوفن.... بيضه المـركه لو معجونه
والاحسن ومريح بالي.... ماشوف الجايـع وسنونه
حتى مااشعر واتعـذب....ومعجزتي خـبزه وصمونه
حسبالي افرح واتكـيف....وتزيل اهــموم المديونه
ثاري احنه انعيش ابوهام....للفقره المــوت ايوزعونه
مايردونه انشوف الوالي...ومامـــش رداد لمازونه
باعو كل اعيون الـناس....ورجعو عمــيان يقاضونه
والحكم الصادر يخواني....ممنوع انشــوف ايشوفونه
ولو واحد شاف وشاهدهم... لازم حتــــما يبدل لونه
ويبدل هيئه كل وجـــهه.... وايصير اعمه وايكودونه
عميان الشاري يتصــنت.... يســـمع اهاتك وشجونه
والشاري يسمع شــتكول....لوجعــنه مدري شينطونه
حكام علــينه ظـــلام....والظالم ســـيف يوصفونه
يبني لااولاده بالـــخارج....من دم احيـــاء ومدفونه
خل يتهنه بفترة حكــمه....ربك قادر مـــــايدرونه
برمشت عين ايزيل اعروش...ويزيل الطـــاغي وافنونه
ويريح الشعب اللي عانه....من هاي الــناس الملعونه
ويمسخ كل حاقد والظالم....ونرد للديره ومـــامونه
ونعيش ابلد الاطــهار....اهل الخير احنه أيــسمونه
والاخيار ابــلدي اهواي.... بعون الله الــهم ايزيلونه
&&&
خادم اهل البيت
الحاج ابو علي السعيدي

شسولف لك يداحي الباب ***** شوف اشعملوا بداري
ببلادي خراب ايصـــــير ****** والينهب صبح جــــاري
اوامر للحكــــم عدنه ***** كلشي بسكته انـــواري
شسولف والحچي لوطال ***** وانت بهالوضـــع داري
يداحي الباب وادري اتخيب ***** كلما اكتب اشعــــاري
الوطن يالوالي صار اوصال ****** ومن ثوب العليه عاري
وانه مچتف واشوف البوكگ ***** وكل ساعه تشب ناري
وبعدنه نخاف نرفع صوت ***** او نخاف نجيب بالطاري
طبع بينه النفاق ايصير ***** وهو المنهج الســـــاري
چاوي الگصه واحدنه ***** ولحيته شتخفي وتـــداري
وراها چم الف شيطان ***** يماطل يکذب ايمـــاري
حرام يحج يطوف البيت ****** شلّه ابحجته البــــاري
وحرام ايگول احب حسين ***** وقصايد للحزن قاري
وين النخوه والغيره ***** انهض گوم يسمـــاري
بسك ما كفاك النوم******* انهض شوف انهــــاري
صارت بالدمه حمره ******* وبعد ميفيد مگـــواري
لاأن زرعوا بأرضنه اسموم ****** بيهه اندفنت اسراري
وحتى الجو صفه مخبوط ***** عالي اترابه الـــذاري
بمزاد الوطن والله انباع ****** وحريمه الاجنبي الشـاري
يصيح بصوته الف هيهات ** **** محد يحمي اســـــواري
اذا الحامي حرامي صار **** وكلهه اتلوذ باكتــــاري
وچنت انه ابو التاريخ ***** ليش انباگت اثـــــــاري
يظل يعتب يداحي الباب **** *** وطنه ومدمعه جاري
اريد الفرج يامولاي ****** والله انهارت افكـــــــاري
&&&

خادم اهل البيت
الحاج ابو علي السعيدي

الى سكينه ومن يرضيها ؟اقول

اعوام مـرت وانكظـت..بـس الحـزن يولينه
واهات والنـوح وهظم.. والقتـل خيـم بيـنـه
سفينتنـه وعلـي..وياهو اليجـي يحدينـه تاهت
يراويك بلسانه الشهـد..وحنظل شري يسكينه
حـارت وتاهـت امتـي..وينـه اللذي يدلينه
مووصـل..لحـد العظـم سجينـه افزع يغايب
نتنخه وين اهل الشيـم..راعي الشيـم جاوينـه
رايد فزعتك موش الـي..رايـد ترضـي اسكينه
الدمع بالخـد مانشـف..مـرت دهور ابجينه
ماشفنه فد يوم الفـرح..ولا ضحكـه وتهنيـنـه
اسبوع يكظـي باللطـم..وبالنـوح يرجـع لينـه
حنينـه لاايـام الزغـر..وبالفطره مـنحنينـه
جنه فرد شـارع نمـر..وساحة لعـب تاوينـه
حسين وي سيف اللعـب..حتـى اتعبـت رجلينـه
وارجعنه من نفس الدرب..الياخـذنـه ويوديـنـه
خلـي نجـدد بالعـهـد..ونــــترك جـزء ماضينـه
نتذكر الشي الحلـو..وننسى يخوتي الشينـه
نهجنه حب علـي..وال الرسـول وديـنـه وخلي
المايصلي علـى النبـي..ريت العمه يسد عينـه
وخل الاخوه من صـدك..رب العـرش يحميـنـه
انـه الـك وانـتالــــي..حيـــدر علـي واليـنـه
ميثاق نكتـب للشـرف..برايـــة علـي شدينه
من يحـــجي ويوصينه اخر وصيه للنبي..
نتساعد احنه عالبلـد..للــثانـي واحـد عينـه
نتحزم احزام الاخو...كل واحـــد احنه نعينه
&&&
خادم اهل البيت
الحاج ابو علي السعيدي

كتبت هذه القصيده الى من سكن خارج البلاد؟؟؟؟

ياغريب اذكر هلك....واذكر اشكال المثل
كن اديب بغربتك......بين حيرة هل الملل
وجاوب انت بكل رتابه..... لواحد وعنك سأل
انت من ياديره انته.....وشنهو صنفك والعمل
وليش عايفه البلاد.....وليش اتركت الاهل
وياذنب انت الجنيته.....وكلي ياصوب الخلل
وجاوبيت بوجه عابس....بصوت تخترقه العلل
انا من اهل بالعراق......كثرت اهواي الزلل
انخرس صوت الحقيقه..... وحتى ذكر الله انهمل
وصارت الوادم مشركه......وساتر الحق انسدل
انا من اتركت اهلي....بسكته من رحت وخجل
والحرامي صار خير.....وصار صاحب للمحل
هو يامر بينه ينهي.....في جبالي والسهل
وصابت الاخلاق غمه......بسرعه من عم الجهل
وانتهت حرمة بلادي .....وشفنه انواع القتل
راحت ايام السكينه.....ونوجد بينه الشلل
هاي قصتي ياللي رايد.....وعني لو واحد سأل
بين افكر بين اعيش......بين اموت بهل الدول
لااحد يمسع الشكوى....بس عتاب وي المقل
حسرتى تبقى بكلبي.....ويبقى بس خير العمل
عزة الغربه مذله.....وعزتي بذل الاهل
&&&
خادم اهل البيت
الحاج ابو علي السعيدي

هذا ماكتبته الساعه وبدون مراجعه؟؟عندما كنت جالسا في حضرة السيده زينب واكتب بداخل الصحن
وقف امامي مجموعه من اطفال العراق في حلقه حول انفسهم يرددون( ياليلى علوش تبكين؟؟؟شتردين)
تركت القصيده الاولى واكملت اقول لهم وعن لسان ليلى ( العراقيه الصغيره) اقول؟؟؟؟

ابجي اريد الوطــــن.....واهلي واشوف الـناس
وارجع ازورن علي.....واحسين والعـــــــباس
بالعيد نفرح ســـــوه.....من مختلف اجنــــــاس
ما اسئل شمـــــعدنه.....وشنهو الاصل والساس
يجمعنه حب الوطن.... ومحلاته هل الاحساس
الاف جانت تجـــي...... من يمن او مكنــــاس
تترك اهموم الزمن..... وشما حمل هل الراس
تدخل تزور النجف..... تحني الـدرع والطاس
ليش ابلدنه صــــفه...... بس قتل والــوهواس
والامن ضاع انفقد .....وبس الجهل وافـــلاس
وسفه الضمير انعدم.... والبعض عنده انـداس
شيطانه من الــغرب....بيه تفرقه ونـــــــداس
بفتنة سياسة تســــد..... يجمع ذهب والمـاس
واتناحرت اخــــوتي .....بالديره شــي لاباس
الهدف واضــــح الي......واليجهله الخنــــاس
بحمكة طفل ديرتي.....حلوا لطيف البـــــاس
من انشد الاغنيــــه......دكت باذني اجــراس
تتغنه ابموطنـــــــي.......خل نحفظ النوماس
بجاه العقيله اطلبت....بجاه البــــــطل عباس
&&&
خادم اهل البيت
الحاج ابو علي السعيدي



 
 توقيع : ابو علي السعيدي


التعديل الأخير تم بواسطة ابو علي السعيدي ; 01-28-2020 الساعة 09:45 PM

رد مع اقتباس
إضافة رد


 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 02:42 PM


Powered by vBulletin™ Version 3.8.7
Copyright © 2020 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

تصميم : فريق الابداع الحيدري